براد بلا يد وفين نشد ؟ درت اليد عالخد كلت نعمر أتاي بالجد
حطيت طوبة على طوبة أو بالمهل غلا الما وغلا الضو والسكر وناضت الكيرا فالكيسان وفالنعناع حبوبة كلت فين غنصد ؟ الطريق لي توصل للفران الوصلة ما وصلة فين وأنا قران من خنشة البارح نعجن خبز غدا الفم مشمر طايح على همزة والكلب مثمر عينو فالدبزة وراسي ما فيه سوق فين ندخل وأنا نوحل وحدي نسول وكولشي حول ولا على من تعول الشوف ما يبرد الجوف السمع ما يبرد الخوف الشوف جوج على عشرة والحكرة طناش على عشرة وبلا هدرة بلا كلام بلا حكام بلا حكام بلا فران بلا حمام بلا سكر بلا كيسان آش من لوحة فاش قريت حتى لاحوني فجايحة أو ما درت حيحة وشوف لفضيحة ساكن فالهم والفم مهدوم وفيه لسان وفيه لجام والراس عامر فيه المسامر ديال العشرة وأنا عايش فالقهرة الحكرة طناش على عشرة والفقر سبعة لزيرو وكين ديرو حتى نعمرو هاذ البراد تتاي ... 2004
الاحد, 27 يوليو, 2008
أضف تعليقا
أضف تعليقا
<<الصفحة الرئيسية
